Битола, 5 април 2013

Министерот за информатичко општество и администрација, Иво Ивановски, денес во Битола ја промовираше новата веб продавница „Софтвер Девелопер„ www.softwaredeveloper.mk, која изработува апликативни софтвери за претпријатија и спроведува курсеви за студенти и вработени од областа на програмирањето, математиката, физиката и астрономијата.

За поднесување барања за посетување на прва почетна обука за проценувачи од областа на Информатичка технологија

Скопје, 05 април 2013

Се повикуваат сите заинтересирани лица кои ги исполнуваат условите за посетување на прва почетна обука за овластен проценувач да поднесат барање за посетување прва почетна обука за овластен проценувач од областа на Информатичка технологија.

Скопје, 29 март 2013

На предлог на граѓанинот Богољуб Ангелковски, долгогодишен консултант за ИСО стандарди, даден на отворената владина манифестација „Ден на идеи„ наскоро ќе биде донесен Законот за за воведување на систем за управување со квалитет и заедничка рамка за проценка на работењето и давањето услуги во државната служба. Законот ја помина владината процедура и е испратен на разгледување и усвојување во Собранието на Република Македонија.

Скопје, 28 март 2013

Министерството за информатичко општество и администрација започна јавна дебата околу измените на Законот за електронски комуникации, а денес беа промовирани пакет мерките кои ќе треба да поттикнат и промовираат ефикасна конкуренција, инвестиции и иновации, особено во насока на воведување на следни генерации бродбенд мрежи.

Абу Даби, 27 март 2013

Заменик министерот за информатичко општество и администрација, Марта Томовска-Арсовска и министерот за образование и наука Панче Кралев, од 25 до 28 март, учествуваат на 25-тата годишнина на Високиот колеџ за технологија, седмиот Саем за образование без граници и на петтиот „Festival of thinkers“ што се одржува во Обединетите Арапски Емирати, a на покана на министерот за високо образование и научни истражувања на Обединетите Арапски Емирати, Шеикот Нахјан Мубарак Ал Нахјан.

Скопје, 26 март 2013

Министерството за информатичко општество и администрација во рамките на проектот “Поддршка на реформата на јавната админситрација”,  поддржан од Британската Амбасада (фонд ДИВ), во текот на февруари и март 2013 година, организираше седум дводневни обуки и менторство за примена на системот на управување темелен на компетенции.

Скопје, 20 март 2013

По официјалната промоција на кампањата „Сурфај безбедно“ која се одржа на 10 март 2013 година, активностите продолжија преку едукативен караван, со пренесување на пораката за „Умно, одговорно и безбедно на интернет“.

Скопје, 20 март 2013

Заменик министерот за информатичко општество и администрација, Марта Арсовска Томовска, се обрати на Тркалезната маса „Дигиталната инклузија во Македонија“, посветена на јакнење на свеста за потребата и можните придобивки од обезбедувањето пристап до компјутери и интернет за сите граѓани.

Мексико Сити, 17 март 2013

Министерот за информатичко општество и администрација, Иво Ивановски, учествува на Седмиот состанок на Комисијата за широкопојасен интернет и дигитален развој, која се одржува во Мексико Сити. На средбата присуствуваат 50-ина претставници од повеќе земји во светот, меѓу кои од УНЕСКО, Програмата за развој на Обединетите Нации (УНДП), Европската комисија, политички претставници на повеќе земји од светот и од Интернационалната телекомуникациска унија (ИТУ).

Скопје, 13 март 2013

Mинистерот за информатичко општество и администрација, Иво Ивановски и министерот за труд и социјална политика, Спиро Ристовски, ја промовираа првата верзија на софтверот за синтеза на говор на македонски јазик. Ова софтверско решение е од големо значење за слепите лица во Република Македонија, бидејќи овозможува генерирање на аудио говор на македонски јазик од електронски содржини.

Скопје, 12 март 2013

Министерот за информатичко општество и администрација, Иво Ивановски, денес се обрати на свеченото отворање на Меѓународната работилница за роботика и автоматика “РобоМАК 2013”, која се одржа на Факултетот за Електротехника и Информациски Технологии (ФЕИТ) на Универзитетот „Св. Кирил и Методиј“ во Скопје.